Қазақстанның ЮНЕСКО-ға мүшелігінің 30 жылдығына арналған марка 10 мың таралыммен шығады

Қазақстан Республикасының Сыртқы істер министрлігінде Қазақстанның БҰҰ Білім, ғылым және мәдениет мәселелері жөніндегі ұйымына (ЮНЕСКО) мүшелігінің 30 жылдығына орай пошталық маркаға мөр басу рәсімі өтті. Іс-шараға ЮНЕСКО-ның Кластерлік бюросының, БҰҰ-ның, «Қазпошта» АҚ өкілдері, сондай-ақ ҚР Сыртқы істер министрлігінің қызметкерлері қатысты.

Номиналы 900 теңгелік жаңа пошта маркасында ЮНЕСКО-ның Дүниежүзілік мұра объектісі Қожа Ахмет Яссауи кесенесі бейнеленген. Суретші – француз иллюстраторы Николас Журну. Аталған марка 10 мың дана таралыммен шығарылады.